• USD 1,7000 0,00% EUR 1,9020 -0,40%
    • GBP 2,1349 +0,18% RUB 0,0265 +0,38%

Kişi işdəki problemlərindən danışan arvadını bıçaqladı: “Bəsdir, bezdirdin məni”

  • Hadisə
  • 14 İyun 2017 15:10
  • 760 Baxış
Kişi işdəki problemlərindən danışan arvadını bıçaqladı: “Bəsdir, bezdirdin məni”

Arvadını bıçaqlamaqda təqsirli bilinən İlham Məşədiyevin cinayət işi üzrə məhkəmə prosesi keçirilib.

Teleqraf.com xəbər verir ki, ittihama görə, Xəzər rayonu Zirə qəsəbəsində 1971-ci il təvəllüdlü Şərqiyyə Məşədiyeva əri İlham Məşədiyev tərəfindən bıçaqlanıb.

Şərqiyyə Məşədiyeva kürək nahiyəsindən iki bıçaq xəsarəti alaraq xəstəxanaya yerləşdirilib. Ona vaxtında tibbi yardım göstərildiyi üçün həyatını xilas etmək mümkün olub.

Müəyyən edilib ki, həyat yoldaşı Şərqiyyə öz işində olan problemlərini İlham Məşədiyevə danışıb. İlham Məşədiyev ona “bəsdir, bezdirdin məni” deyərək əsəbiləşib. Bu zaman İlham əlindəki bıçaqla onu itələyib və həmin vaxt bıçaq ona dəyib.

Hakim Şəkər Məmmədovanın sədrliyi ilə baş tutan prosesdə dövlət ittihamçısı İlham Məşədiyevin 4 il müddətinə azadlıqdan məhrum edilməsini istəyib.

Təqsirləndirilən şəxsin vəkili müdafiə çıxışında deyib ki, İlhamın əlində olan bıçaq təsadüfən Şərqiyyəyə dəyib: “Onların iki övladı var. Arvadı məhkəməyə müraciət edərək günahın özündə olduğunu, həqiqətən də ərini çox yüklədiyini etiraf edib və şikayətçi olmadığını deyib”.

İlham Məşədiyev son söz demək üçün məhkəmədən vaxt istəyib.

Növbəti proses iyunun 21-də davam edəcək.

loading...

Xəbər lenti

DAHA ÇOX XƏBƏR