• USD 1,7000 0,00% EUR 2,0009 0,00%
    • GBP 2,3392 0,00% RUB 0,0231 0,00%

FHN: Yataqxanadakı partlayışın səbəbi araşdırmadan sonra bilinəcək - YENİLƏNDİ - FOTOLAR

  • Hadisə
  • 6 Avqust 2017 00:30
  • 1 365 Baxış
FHN: Yataqxanadakı partlayışın səbəbi araşdırmadan sonra bilinəcək - YENİLƏNDİ

Bu gün axşam saatlarında Sumqayıtda baş vermiş partlayışın səbəbi tərəfimizdən araşdırılacaq. Bunu Trend-ə hadisə yerində olan FHN-in nümayəndəsi bildirib.

FHN-in nümayəndəsi deyib: "İlkin olaraq onu deyə bilərik ki, yataqxananın 3-cü mərtəbəsində partlayış olub, sonra partlayışın ardınca yanğın baş verib. Hadisənin səbəbləri tərəfimizdən araşdırılacaq. Yalnız bundan sonra yanğının hansı səbəbdən baş verməsi məlum olacaq".

***

Sumqayıtda yataqxanada partlayış, ardınca yanğın olub.

Sumqayıt Təcili Yardım Xəstəxanasından Trendə verilən məlumata görə, 25 nəfər xəstəxanaya yerləşdirilib.

Həmçinin qeyd edilir ki, 1 nəfər 14 yaşlı qızın vəziyyəti ağır olduğundan reanimasiya şöbəsinə yerləşdirilib.

***

Sumqayıtda yataqxanada partlayış olub.

Hadisə şəhərin 8-ci mikrorayonundakı yataqxanada baş verib. Hadisə nəticəsində ölən və yaralananların olduğu bildirilir.

Partlayış yanğına çevrilib. Partlayışın yataqxananın 3-cü mərtəbəsində baş verdiyi deyilir. Hadisə yerinə şəhərin hüquq mühafizə idarəsinin əməkdaşları və Fövqəladə Hallar Nazirliyinin canlı qüvvəsi, Təcili Tibbi Yardım avtomobilləri cəlb edilib.

Hadisə nəticəsində ondan artıq şəxs zəhərlənmə ilə Sumqayıt şəhər Təcili Tibbi Yardım Xəstəxanasına yerləşdirilib.

Fövqəladə Hallar Nazirliyindən Trend-ə verilən məlumata görə, dərhal Nazirliyin Dövlət Yanğından Mühafizə Xidmətinin canlı qüvvə və texnikası hadisə yerinə cəlb olunub. Yanğının söndürülməsi istiqamətində işlər davam etdirilir. (Trend)

***

Sumqayıt Dövlət Universitetinin tələbə yataqxanasında yanğın baş verib.

FHN-dən Publika.az-a verilən xəbərə görə, yanğın şəhərin İsmət Qayıbov küçəsində yerləşən yataqxananın üçüncü mərtəbəsində baş verib. Hadisə yerinə bir neçə yanğınsöndürən maşın cəlb edilib. Yanğının söndürülməsi istiqamətində tədbirlər görülür.

Yanğının səbəbi hələlik məlum deyil.

Halal Nemət

Xəbər lenti

DAHA ÇOX XƏBƏR