Hadisə

FHN Xaçmazda baş vermiş yanğınla bağlı məlumat yaydı (YENİLƏNDİ)

29 Noyabr 2017 23:00

Fövqəladə Hallar Nazirliyi (FHN) Xaçmaz rayonunda baş vermiş yanğınla bağlı məlumat yayıb.

Publika.az FHN-ə istinadən xəbər verir ki, Xaçmaz rayonunda ümumi sahəsi 110 m2 olan birmərtəbəli 3 otaq və 1 aynabənddən ibarət evin yanar konstruksiyaları 50 m2 sahədə yanıb.

Yanğın zamanı 2 nəfər müxtəlif yanıq xəsarətləri alıb. Evin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.

***

Xaçmazda yaşayış evi yanıb.

Publika.az xəbər verir ki, şəhərin Aşıq Ələsgər küçəsi, ev 41 ünvanında baş verən yanğın zamanı ev sahibi yanıq xəsarətləri alıb.

1953-cü il təvəllüdlü Paşayev Rafiq Sabir oğlu dərhal Xaçmaz Mərkəzi Rayon Xəstəxanasına çatdırılıb. Ona hər iki əlin üst səthinin eləcədə bel, baş və üz nahiyəsinin 3-cü dərəcəli termiki yanığı diaqnozu qoyulub. Hazırda xəsarət alan şəxsin vəziyyəti ağırdır. Yaşayış evində baş verən yanğın yanğınsöndürənlər tərəfindən söndürülüb.

Faktla bağlı araşdırmalar aparılır. (apa)