Hadisə

Şəkidə DƏHŞƏTLİ HADİSƏ: Sürücü sükan arxasında keçindi

15 Aprel 2018 21:35

Şəkidə 54 yaşlı sürücü sükan arxasında ölüb.

Publika.az xəbər verir ki, hadisə bu gün günorta saat 12 radələrində Yevlax-Zaqatala-Gürcüstan sərhəd magistiral yolunun Şəki rayonu Böyük Dəhnə kəndi ərazisindən keçən hissəsində baş verib.

1964-cü il təvəllüdlü, Gədəbəy rayon sakini Etibar Azad oğlu Abdullayev idarə etdiyi minik avtomobili ilə Şəkidən Gədəbəyə gedərkən sükan arxasında qəfildən özünü pis hiss edib.

Etibar Abdullayevin vəziyyətinin pisləşdiyini görən, avtomobildə sərnişin qismində olan onun ailə üzvləri əraziyə Şəki Mərkəzi Rayon Xəstəxanasının (MRX) Təcili Tibbi Yardım Şöbəsinin həkim briqadasını çağırıblar. Təcili Tibbi Yardım Şöbəsinin həkim briqadası hadisə yerinə çatana kimi Etibar Abdullayev keçinib. İlkin müayinə zamanı Etibar Abdullayevin ürək tutmasından öldüyü məlum olub.

Faktla bağlı araşdırma aparılır. (APA)