Azərbaycanda tələbə qızın dəhşətli ölümü ilə bağlı YENİ FAKTLAR

Samuxda baş vermiş intiharın başvermə şəraiti məlum olub.

Rayonun Eldar kəndində ötən gün intihar etmiş 19 yaşlı qız Bəsti Yasin qızı Aslanova hadisə zamanı evdə tək olub.

B.Aslanova Gəncə şəhərində yerləşən özəl təhsil müəssisələrinin birində tibb üzrə təhsil alırmış. İkinci kurs tələbəsinin Gəncədə kirayədə yaşadığı bildirilir. O, intihardan bir müddət öncə tətilə çıxdığı üçün yaşadıqları babası evinə gedib.

Hadisədən bir qədər sonra evə gələn ailə üzvləri B.Aslanovanın özünü kəndirlə asaraq intihar etdiyini görüblər. Gənc qızın intihar səbəbi tam açıqlanmır. Hadisə ilə bağlı araşdırmalara başlanılıb.

Faktla bağlı Samux rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi açılıb, araşdırma aparılır.

*****

1 iyun

Samuxda tələbə qız intihar edib

"Report"un məlumatına görə, hadisə rayonun Eldar kəndində qeydə alınıb. Kənd sakini, 2000-cı il təvəllüdlü Bəsti Yasin qızı Allahverdiyeva özünü yaşadığı evin çardağından asaraq intihar edib.

Onun 2-ci kurs tələbəsi olduğu bildirilir. Meyit müayinə üçün tibbi ekspertizaya aparılıb.

Onun hansı səbəbdən intihar etdiyi hələki məlum deyil.

Faktla bağlı araşdırma aparılır.