Hadisə

Azərbaycanda 2 nəfərin öldüyü hadisə ilə bağlı YENİ FAKTLAR

5 İyun 2019 18:02

Dünən səhər saatlarında Bakı-Qazax magistralının Hacıqabul rayonunun Atbulaq kəndindən keçən hissəsində baş verən dəhşətli qəza ilə bağlı bəzi məqamlar üzə çıxıb.

Publika.az xəbər verir ki, “Mercedes Vito” markalı, B 017 KN 134 dövlət nömrə nişanlı avtomobil sürücünün yuxuya getməsi səbəbindən sürətlə yolun kənar zolağında olan “Kamaz”a çırpılıb. Avtomobilin yük maşınına arxadan çırpılması nəticəsində ön tərəfdə oturan 2 nəfər hadisə yerindəcə keçinib. Daha bir neçə nəfər isə xəsarətlər alıb. Ölənlərdən biri sürücüdür.

Qeyd edək ki, qəzada ölənlər Ucar rayonunun Bərgüşad kənd sakini, 1965-ciil təvəllüdlü Usubov Fikrət Yusif oğlu və Yevlax rayon sakini, 1968-ci il təvəllüdlü Qasımov İsmət Vəliyəddin oğludur.

Faktla bağlı Daxili İşlər Nazirliyinin Baş İstintaq-Təhqiqat İdarəsində cinayət işi açılıb, araşdırma aparılır.