Hadisə

Bakının girişində dəhşətli qəza – Kişi maşını vurdu, arvadı öldü - YENİLƏNDİ

5 Avqust 2019 13:41

Daxili İşlər Nazirliyi Qaradağ rayonunun Ələt qəsəbəsi ərazisində baş verən yol-nəqliyyat hadisəsi ilə bağlı məlumat yayıb.

Publika.az nazirliyə istinadən xəbər verir ki, avqustun 4-də saat 9 radələrində Qaradağ rayonunun Ələt qəsəbəsi ərazisində Bakı şəhər sakini H.Hüseynov idarə etdiyi “KamAZ” markalı avtomobili yolun kənarında dayanmış həmyerlisi A.Ələkbərova məxsus “AzSamand” markalı avtomobilə vurub.

Nəticədə A.Ələkbərovun sərnişinlərindən arvadı Nurlanə hadisə yerində ölüb, 2 sərnişini xəstəxanaya yerləşdirilib.

Baş İstintaq və Təhqiqat İdarəsi tərəfindən araşdırma aparılır.

****

10:16

Bakı şəhər Qaradağ rayonu ərazisində ağır yol qəzası baş verib.

Publika.az xəbər verir ki, Ələt-Astara magistralında eyni istiqamətdə hərəkət edən “AzSamand” markalı minik avtomobili ilə “KamAZ” markalı yük maşını toqquşub. Qəza nəticəsində minik avtomobilində olan qadın aldığı xəsarətlərdən hadisə yerində ölüb.

Faktla bağlı cinayət işi açılıb, araşdırma aparılır.

Muxtar