• USD 1,7000 0,00% EUR 1,8744 0,00%
    • GBP 2,1898 0,00% RUB 0,0266 0,00%

Qərb üçün DƏHŞƏTLİ SÜRPRİZ: Ərdoğan istədi, Putin bu gün göndərdi - FOTO

  • Hadisə
  • 13 Sentyabr 2019 20:30
  • 3 307 Baxış
Qərb üçün DƏHŞƏTLİ SÜRPRİZ: Ərdoğan istədi, Putin bu gün göndərdi - FOTO

Rusiya 17-22 sentyabr tarixlərində İstanbulda keçiriləcək TEKNOFEST aviasiya və kosmik texnologiyalar sərgisində nümayiş olunması üçün Su-35 qırıcısını Türkiyəyə göndərib.

Publika.az Türkiyə KİV-inə istinadən xəbər verir ki, Baykar Texniki məsələlər üzrə direktor və Türkiyə Texnologiya Komandası Vəqfinin rəhbəri Səlçuk Bayraktar İstanbula enən qırıcının fotosunu paylaşıb.

"Sürpriz qonaqlarımızdan biri gəldi", - o, rus qırıcısının Türkiyəyə gəlməsini şərh edib.

Xatırladaq ki, avqustun 27-də Moskvada keçirilən “MAKS-2019” aviasiya və kosmos sərgisinin açılışında iştirak edən Türkiyə prezidenti Rəcəb Tayyib Ərdoğan rusiyalı həmkarı Vladimir Putinə TEKNOFEST-ə Su-35 qırıcısının göndərilməsini təklif etmişdi. Qırıcını İstanbula göndərən Putin həmkarının təklifinə müsbət cavab verib.

Bu, Rusiya-Türkiyə əməkdaşlığının genişlənməsini həzm etməyən ABŞ başqa olmaqla, Qərbə növbəti sərt siqnal hesab oluna bilər. Ərdoğanın “MAKS-2019”-da olarkən Su-35 qırıcıları ilə yaxından tanış olması Qərb dairələrində müsbət qarşılanmamışdı. Su-35 qırıcısının Türkiyəyə gəlməsi həm də bu hərbi texnikanı əldə etmək istəyinin açıq ifadə olunması kimi qiymətləndirilir. Ankara dəfələrlə bəyan edib ki, ABŞ F-35 qırıcılarını satmaqdan imtina edərsə, Türkiyə alternativlər axtarmalı olacaq. Su-35 isə F-35 qırıcısına ən real alternativ hesab olunur.

Xəbər lenti

DAHA ÇOX XƏBƏR