• USD 1,7000 0,00% EUR 1,9899 +0,02%
    • GBP 2,1973 +0,26% RUB 0,0218 0,00%

SON DƏQİQƏ: Fədayə Laçın AZADLIQDA - VİDEO (YENİLƏNDİ)

  • Hadisə
  • 29 Oktyabr 2019 10:23
  • 5 373 Baxış
SON DƏQİQƏ: Fədayə Laçın AZADLIQDA - VİDEO

Video əlavə olunub.

***

Azadlığa buraxılan müğənni Fədayə Laçın jurnalistlərlə görüntülü əlaqə saxlayıb.

Publika.az xəbər verir ki, müğənni bir neçə gün sonra mətbuat konfransı keçirəcəyini və bütün suallara aydınlıq gətirəcəyini deyib.

***

09:30

Xəbər verdiyimiz kimi, Bakı Apellyasiya Məhkəməsinin qərarı ilə həbs cəzası 2 ilə endirilən müğənni Fədayə Laçın bu gün Bakı İstintaq Təcridxanasından azadlığa buraxılıb.

Publika.az xəbər verir ki, müğənninin saat 10-da buraxılacağı deyilsə də, məlum olub ki, Fədayə Laçın deyilən vaxtdan əvvəl buraxılıb.

Bu barədə cəzaçəkmə müəssisəsinin rəisi Elnur İsmayılov məlumat verib.

Müğənninin bacısı İlahə Fəda da bacısının azadlığa buraxıldığını bildirib.

Jurnalistlərə telefonda açıqlama verən müğənni bildirib ki, müəssisədən saat 09:00-da çıxıb. Vaxtından əvvəl çıxdığı üçün onu qarşılamağa heç kim gəlməyib: "Saat doqquzda taksiyə minib getdim. Zəng elədilər ki, çıx. Çıxanda qapıda heç kim yox idi. Bacımgildə gəlib çıxa bilmədi. İndi Buzovnada, anamgildəyəm".

Qeyd edək ki, müğənni 2017-ci ildə "Qoca" ləqəbli avtoritet Etibar Məmmədov və Əli Ağamiyə xüsusi təyinatlı qatardan qaçmaqda köməklik göstərməkdə ittiham olunub. O, 2017-ci ilin oktyabrın 30-da həbs edilib. Fədayə Laçın Bakı Ağır Cinayətlər Məhkəməsinin hökmü ilə 5 il azadlıqdan məhrum edilib. Bakı Apellyasiya Məhkəməsi isə onun cəzasını 2 ilə endirib.

Aytən

Video: Pərviz Həşimi

Halal Nemət

Xəbər lenti

DAHA ÇOX XƏBƏR