Hadisə
Adilxan Bayramov vəfat etdi - FOTO
Azərbaycanın mədəniyyət xadimi, ədəbiyyatşünas alim, filologiya elmləri doktoru Adilxan Bayramov vəfat edib.
Publika.az xəbər verir ki, o, 72 yaşında dünyasını dəyişib.
Qeyd edək ki, Adilxan Hüseynəli oğlu Bayramov1949-cu il fevralın 19-da Gürcüstanın Marneuli rayonunun (Borçalı mahalı) Sadaxlı kəndində anadan olub. 1966-cı illərdə Sadaxlı kənd orta məktəbini bitirib. 1966-1971-ci illərdə Azərbaycan Dövlət Universitetinin (indiki BDU) Filologiya fakültəsində təhsil alıb.
Əmək fəaliyyətinə 1979-cu ildə Səməd Vurğunun Ev-Muzeyində elmi işçi olaraq başlayıb. 1980-2006-cı illərdə Mədəniyyət Nazirliyində müxtəlif vəzifələrdə, o cümlədən nazirliyin Aparat rəhbəri vəzifəsində çalışıb. 2007-ci ildən 2018-ci ilədək Mədəniyyət üzrə Elmi-Metodiki Mərkəzin (indiki Mədəniyyət üzrə Elmi-Metodiki və İxtisasartırma Mərkəzi) direktor müavini vəzifəsində işləyib. Uzun illər nazirliyin Ekspert komissiyasının üzvü olub.
Ömrünün 40 ilə yaxın bir dövrünü mədəni irsimizin qorunması və təbliği sahəsinə həsr edən alim beynəlxalq elmi konfrans və seminarların, respublika festival və baxış-müsabiqələrinin, sərgilərin təşkilində, yeni mədəniyyət müəssisələrinin, o cümlədən tarix-diyarşünaslıq və xatirə muzeylərinin yaradılmasında fəal iştirak edib. Adilxan Bayramov mədəniyyətşünaslığın nəzəri məsələləri – muzey işi, teatr sənəti, təsviri incəsənət, Azərbaycan xalçası, habelə etnoqrafiya ilə bağlı diqqətəlayiq araşdırmalar aparıb. “Yaşayan ömür”, “Vurğun ocağı”, “Heydər Əliyev və muzeylərimiz”, “Tariximiz, yaddaşımız, sərvətimiz” və s. kitabların, “Ədəbi-xatirə muzeyləri”, “Tarix-diyarşünaslıq muzeyləri”, “Teatr sənətimizin inkişafında Tiflis Azərbaycan teatrının rolu (1900-1920-ci illər)” adlı metodiki vəsaitləri və bu mövzularda çoxsaylı elmi məqalələrin müəllifidir.
1990-cı ildə “Səməd Vurğun yaradıcılığında xalqlar dostluğu” mövzusunda namizədlik (fəlsəfə doktoru), 2007-ci ildə “Səməd Vurğun yaradıcılığında insan: millilik və ümumbəşərilik” mövzusunda doktorluq dissertasiyaları müdafiə edib. O, həmçinin Azərbaycan və rus dillərində nəşr olunmuş “Üzeyir Hacıbəyov ensiklopediyası”nın müəlliflərindən biri olub.
Adilxan Bayramov Azərbaycan Aşıqlar Birliyi İdarə heyətinin, Beynəlxalq Muzeylər Şurası (İCOM) Azərbaycan Milli Komitəsi Rəyasət heyətinin, “Qarapapaqlar” (Gürcüstan) dərgisinin redaksiya heyətinin üzvü idi.
Allah rəhmət eləsin!
-
MDB18 Aprel 23:12
Bu ölkədə falçı və cadugərlərlə bağlı SƏRT QƏRAR VERİLƏCƏK
-
Magazin118 Aprel 22:48
Məşhur xanəndə ONLARI QINADI: "Bu saat necə gəldi geyinirlər" - FOTO
-
Səhiyyə18 Aprel 22:36
Ürək ritminin pozulmasının YENİ TƏHLÜKƏSİ: Hər beşinci insan...
-
Region18 Aprel 21:48
Türkiyədəki dağıdıcı zəlzələnin görüntüsü yayıldı: yaralılar var - VİDEO
-
Elm və təhsil18 Aprel 21:24
Dövlət məktəblərində servis xidməti yaradılır? - RƏSMİ / VİDEO
-
Gözəllik18 Aprel 21:12
Süni intellekt gözəli 20 min dollar MÜKAFAT ALACAQ
-
Magazin118 Aprel 21:00
Xoşqədəm ötən gün vəfat edən Hadı Rəcəblidən danışdı: "Gördünüzmü?..."
-
Avropa18 Aprel 20:12
Göyərtəsində sərnişinlərin olduğu təyyarəni İLDIRIM VURDU