• USD 1,7000 0,00% EUR 2,0183 -0,05%
    • GBP 2,3633 -0,32% RUB 0,0232 0,00%

FHN Yasamaldakı yanğınla bağlı daha bir MƏLUMAT YAYDI - VİDEO

FHN Yasamaldakı yanğınla bağlı daha bir MƏLUMAT YAYDI - VİDEO

Xəbər verildiyi kimi, 24 iyun 2021-ci il tarixində “112” qaynar telefon xəttinə Bakı şəhəri, Yasamal rayonu, İsmayıl bəy Qutqaşınlı küçəsində çoxmərtəbəli yaşayış binasında yanğın baş verməsi barədə məlumat daxil olub. Məlumat əsasında dərhal əraziyə Nazirliyin Dövlət Yanğından Mühafizə Xidməti və Xüsusi Riskli Xilasetmə Xidmətinin müvafiq qüvvələri cəlb olunub.

Bu barədə Publika.az-a Fövqəladə Hallar Nazirliyindən məlumat verilib.

Qeyd edilib ki, hadisə yerinin kəşfiyyatı zamanı yanğının onaltımərtəbəli yaşayış binasının 10-cu mərtəbəsindəki mənzildə baş verdiyi müəyyən olunub. Xüsusi təyinatlı texnikaların, o cümlədən avtonərdivanın tətbiqi, yanğınsöndürən və xilasedicilərin çevik, peşəkar və əlaqələndirilmiş fəaliyyəti sayəsində yanğının genişlənib qonşu mənzillərə keçməsinin qarşısı alınaraq qısa müddətdə söndürülməsi və bina sakinlərinin təhlükəsizliyi təmin olunub.

Yanğın zamanı ümumi sahəsi 77 kv.m. olan birotaqlı mənzilin yanar konstruksiyası və ev əşyaları yanıb, qonşu mənzillər yanğından mühafizə olunub və 56 nəfər bina sakini təxliyə olunaraq təhlükəsizlikləri təmin olunub.

Halal Nemət

Xəbər lenti

DAHA ÇOX XƏBƏR