Kanalda boğulan 15 yaşlı yeniyetmənin fotosu - Yeniləndi

Beyləqanda kanalda boğularaq ölən yeniyetmənin ölümü ilə nəticələnən hadisə ilə bağlı TƏBİB məlumat açıqlayıb.

Publika.az xəbər verir ki, məlumata görə, 07.08.2026-cı il tarixində saat 15:00 radələrində Respublika Təcili və Təxirəsalınmaz Tibbi Yardım Mərkəzinə Beyləqan rayonundan sudaboğulma diaqnozu ilə çağırış qeydə alınıb.

Çağırış ünvanına təcili tibbi yardım briqadası cəlb olunub.

Təcili tibbi yardım briqadası tərəfindən 1 nəfərin (kişi) həkiməqədər ölüm faktı qeydə alınıb.

***

Beyləqan rayonunda 15 yaşlı yeniyetmə su kanalında çimərkən boğularaq dünyasını dəyişib.

Publika.az Teleqraf-a istinadən xəbər verir ki, bədbəxt hadisə rayonun Bünyatlı kəndi ərazisində qeydə alınıb.

Belə ki, rayonun Gödəklər kənd sakini, 2011-ci il təvəllüdlü Murad Ramil oğlu Əmrahlı Bünyatlı kəndi ərazisindən keçən su kanalında çimərkən qəfildən boğulub.

Ətrafdakı kənd sakinlərinin səyləri nəticəsində yeniyetmənin meyiti sudan çıxarılaraq aidiyyəti üzrə təhvil verilib.

Faktla bağlı müvafiq qurumlar tərəfindən araşdırma başlanılıb.