Azərbaycan-Ermənistan sərhədində zəlzələ oldu - Yeniləndi

AMEA nəzdində Respublika Seysmoloji Xidmət Mərkəzinin Zəlzələlərin tədqiqatı bürosu Azərbaycan-Ermənistan sərhədində - Ermənistan ərazisində qeydə alınan zəlzələ ilə bağlı məlumatı yeniləyib.

Publika.az xəbər verir ki, zəlzələnin maqnitudasının 3,9 olduğu bildirilib.

Yenilənmiş məlumata əsasən, yeraltı təkanlar Gədəbəy stansiyasından 53 km cənubda, yerli vaxtla 23:11-də qeydə alınıb.

***

Azərbaycan-Ermənistan sərhədində - Ermənistan ərazisində 3,8 maqnitudalı zəlzələ qeydə alınıb.

Publika.az xəbər verir ki, bu barədə AMEA nəzdində Respublika Seysmoloji Xidmət Mərkəzinin Zəlzələlərin tədqiqatı bürosu məlumat yayıb.

Məlumata görə, yeraltı təkanlar Bakı vaxtı ilə saat 23:29-da, 7 km dərinlikdə qeydə alınıb.

***

Kəlbəcər rayonunda 3,6 maqnitudalı zəlzələ qeydə alınıb.

Publika.az xəbər verir ki, bu barədə Türkiyənin Fəlakət və Fövqəladə Halların İdarə Olunması Agentliyi (AFAD) məlumat yayıb.

Məlumata görə, yeraltı təkanlar Bakı vaxtı ilə saat 23:11-də, 5,7 km dərinlikdə qeydə alınıb.

Qeyd edək ki, daha əvvəl Lerik-Lənkəran sərhəddində zəlzələ qeydə alınıb. 3 bal gücündəki zəlzələ bu gün yerli vaxtla 16:00-da 31 km dərinlikdə baş verib.