Hadisə

FHN mürəkkəb relyefli ərazilərdə axtarış-xilasetmə təlimi keçirdi - FOTO/VİDEO

13 Avqust 2026 11:40

Fövqəladə Hallar Nazirliyinin Cənub Regional Mərkəzi “Mürəkkəb relyefli ərazilərdə axtarış-xilasetmə işləri zamanı fəaliyyətin təşkili” mövzusunda təlim keçirib.

Bu barədə Publika.az-a Fövqəladə Hallar Nazirliyinin Mətbuat xidmətindən məlumat verilib.

Təlimin keçirilməsində məqsəd xilasetmə işlərinin təşkili və aparılması qaydaları, o cümlədən dağlıq-meşəlik ərazilərdə köməksiz vəziyyətdə qalan zərərçəkmişlərin xilas edilməsi üzrə xilasedicilərin bilik və bacarıqlarının artırılması, həmçinin xilasetmə qrup komandirlərinin hadisə zamanı effektiv idarəetmə vərdişlərinin təkmilləşdirilməsi olub.

Təlim zamanı xilasedicilər meşə massivində “xəsarət alaraq köməksiz vəziyyətdə qalmış vətəndaşı xüsusi xilasetmə vasitələri ilə xilas edərək” təhlükəsiz əraziyə təxliyə ediblər.

Sonda təlimin nəticələrinin təhlili aparılıb, müvafiq tapşırıqlar verilib.