Azərbaycanda daha iki bölgədə ağır qəza baş verdi - Xəsarət alanlar var

Bərdədə yol-nəqliyyat hadisəsi baş verib.

Publika.az Teleqraf-a istinadən xəbər verir ki, hadisə Heydər Əliyev prospektində qeydə alınıb.

İlkin məlumata görə, hərəkətdə olan üç avtomobil toqquşub.

Qəza nəticəsində xəsarət alanların olduğu bildirilir.

Yaralıların tibbi yardım üçün xəstəxanaya aparıldığı qeyd olunur. Hadisə yerinə aidiyyəti qurumların əməkdaşları cəlb edilib. Qəzanın başvermə səbəbləri və yaralıların dəqiq sayı araşdırılır.

Gəncədə isə 3 nəfətin xəsarət alması ilə nəticələnən yol-nəqliyyat hadisəsi baş verib. Hadisə şəhərin Nizami prospektində qeydə alınıb.

"Unize" markalı minik maşını "Humdai" markalı avtomobillə toqquşub. İlkin məlumata görə, qəza zamanı 1998-ci il təvəllüdlü Ofelya Hüseynova, 2021- ci il təvəllüdlü J. Hüseynova və 2019-cu il təvəllüdlü U. Məmmədoca müxtəlif bədən xəsarətləri ilə xəstəxanalardan birinə yerləşdirilib. Yaralılara tibbi yardım göstərilib, vəziyyətləri kafidir.

Faktla bağlı araşdırma başlanılıb.

Qeyd edək ki, bu gün Şəmkirdə baş verən dəhşətli qəza nəticəsində 5 nəfər ölüb, 6 nəfər yaralanıb.