Astarada Masallı sakini dənizdə batıb - YENİLƏNDİ

Fövqəladə Hallar Nazirliyinin “112" qaynar xəttinə Astara rayonunda ən yaxın sularda xilasetmə məntəqəsindən 1 km aralı dənizdə nəzarətsiz ərazidə 1 nəfərin batması barədə məlumat daxil olub.

Bu barədə Publika.az-a Fövqəladə Hallar Nazirliyinin Mətbuat xidmətindən məlumat verilib.

Məlumatla əlaqədar dərhal FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub.

Hazırda vətəndaş - 1990-cı il təvəllüdlü Məmmədov Elman Beybala oğlunun batdığı ehtimal edilən istiqamətlərdə axtarışlar həyata keçirilir.

Əlavə məlumat veriləcək.

xxx

Astarada bir nəfər dənizdə batıb.

Publika.az Teleqraf-a istinadən xəbər verir ki, hadisə Astara şəhərinin “Bulvar” ərazisində baş verib.

İlkin məlumata əsasən, Masallı rayonunun Kosagül kənd sakini olan bir nəfər Xəzər dənizində batıb.

Hazırda hadisə ilə bağlı axtarış-xilasetmə işləri aparılır. Şəxsin tapılması istiqamətində axtarışlar davam etdirilir.

Hadisənin hansı şəraitdə baş verdiyi və dənizdə batan şəxsin kimliyi ilə bağlı hələlik məlumat yoxdur.