8 nəfərin öldüyü gəmi qəzası: saxlanılanlar var - Yeniləndi

Şimali Kiprin Girnə şəhəri sahillərində sərnişin gəmisinin batması nəticəsində 8 nəfər ölüb, 237 nəfər xilas edilib.

Publika.az xəbər verir ki, bu barədə "TRT Haber" məlumat yayıb.

Qeyd edək ki, batan sərnişin gəmisi ilə bağlı aparılan istintaq çərçivəsində gəmi kapitanı və 7 əməkdaş saxlanılıb.

***

Şimali Kiprin Girnə sahillərində batan sərnişin gəmisi ilə bağlı istintaq çərçivəsində 8 nəfər (kapitan və 7 əməkdaş) saxlanılıb.

Publika.az xəbər verir ki, bu barədə Şimali Kiprin Baş naziri Ünal Üstel açıqlama verib.

Daha əvvəl Şimali Kiprin Prezidenti Tufan Erhürman hadisə ilə bağlı istintaq başladıldığı açıqlamışdı. Hazırda qəzanın səbəbləri və gəminin batmasına səbəb olan hallar araşdırılır.

Qeyd edək ki, Girnə sahillərində batan gəmidə ümumilikdə 267 nəfər – 259 sərnişin və 8 ekipaj üzvü olub. Qəza nəticəsində 7 nəfər həyatını itirib, 237 nəfər xilas edilib, 23 nəfərin axtarışı davam etdirilir. Xilas edilənlər arasında iki Azərbaycan vətəndaşı da olub.

Axtarış-xilasetmə işlərinə Türkiyənin də qüvvələri cəlb olunub.