Minaya düşən ANAMA əməkdaşının ayağında amputasiya əməliyyatı aparılır - YENİLƏNDİ

Xocalıda minaya düşən ANAMA əməkdaşının durumu açıqlanıb.

Publika.az xəbər verir ki, Teleqraf-a TƏBİB-ə sorğusuna cavab olaraq bildirilib ki, Xocalı rayonunun Daşkənd kəndi ərazisində baş verən mina hadisəsi nəticəsində xəsarət alan 1990-cı il təvəllüdlü şəxs (kişi) Xankəndi Şəhər Mərkəzi Xəstəxanasından daha ixtisaslı tibbi xidmət almaq üçün 10 sentyabr 2026-cı il tarixində saat 10:30 radələrində Bərdə Rayon Mərkəzi Xəstəxanasının Təcili tibbi yardım şöbəsinə təxliyə olunub.

Sol aşıq baldır oynağı nahiyəsinin travmatik amputasiyası diaqnozu təyin olunan pasiyent üzərində hazırda əməliyyat icra olunur.

xxx

Xocalıda minaya düşən ANAMA əməkdaşının şəxsiyyəti müəyyənləşib.

Publika.az bu barədə Teleqraf-a istinadən məlumat verir.

Minaya düşən 1990-cı il təvəllüdlü Anar İftixar oğlu Həsənov Goranboy rayon sakinidir.

O, ANAMA-da tədqiqat rəhbəri vəzifəsində çalışır.

xxx

Xocalı rayonunda ANAMA əməkdaşı minaya düşüb.

Publika.az Teleqraf-a istinadən xəbər verir ki, hadisə rayonun Daşkənd kəndi ərazisində baş verib.

ANAMA əməkdaşı kənd ərazisində minatəmizləmə işləri apararkən mina partlayışı baş verib. Hadisə nəticəsində əməkdaş xəsarət alıb.

Yaralı xəstəxanaya yerləşdirilib. Faktla bağlı araşdırma aparılır.