Hərbi hissələrdə görüşə məhdudiyyət qoyuldu
Bizi izləyin

Hadisə

Hərbi hissələrdə görüşə məhdudiyyət qoyuldu

Hərbi hissələrdə görüşə məhdudiyyət qoyuldu

Azərbaycan Ordusunda xidmətə yeni başlayan gənc əsgərlərin sağlamlığını qorumaq məqsədilə həyata keçirilən preventiv tədbirlərlə əlaqədar hərbi hissələrdə görüşə müvəqqəti məhdudiyyət qoyulub.

Publika.az xəbər verir ki, bununla bağlı Müdafiə Nazirliyinin Mətbuat xidməti məlumat yayıb.

Hərbi hissələrdə effektiv profilaktik tədbirlərin görülməsi sayəsində şəxsi heyət arasında respirator xəstəliklərə, o cümlədən qrip infeksiyasına yoluxma hallarının qarşısı alınır.

Gənc əsgərlərin valideynlərindən, eləcə də bütün vətəndaşlardan hərbi qulluqçularımızın sağlamlığına həssaslıqla yanaşmağı, məhdudiyyəti anlayışla qarşılamağı və gənc əsgərlərin xidmət etdiyi hərbi hissələrə gəlməməyi bir daha xahiş edirik.

Qeyd olunan məhdudiyyət götürüldükdən sonra ictimaiyyətə əlavə məlumat veriləcəkdir.

Medial

Oxumağa davam et
Reklam
Reklam

Gündəm

Zəfaran Hospital
Səba