Hadisə

Gəncədə avtomobil iki nəfəri vurdu

21 İyul 2015 20:12

Gəncə şəhərində iki nəfər piyadanın vurulması ilə nəticələnən yol-nəqliyyat hadisəsi baş verib.

Gəncə şəhər Baş Polis İdarəsindən Publika.az-ın Qərb Bürosuna verilən məlumata görə hadisə bu gün saat 15.00 radələrində şəhərin Şah İsmayıl Xətai prospektində baş verib. Laçın rayonundan məcburi köçkün olan Goranboy rayon sakini 1992-ci il təvəllüdlü Laçın Süleymanov idarə etdiyi “VAZ2106” markalı avtomobillə yolu keçmək istəyən şəhər sakiniləri, 1986-cı il təvəllüdlü Vəfa Məmmədova və onun bacısı qızı, 12 yaşlı Günel Budaqini vurub. Yaralılar Gəncə şəhər Təcili Tibbi Yardım xəstəxanasına yerləşdiriliblər. Onların vəziyyətlərinin orta-ağır olduğu bildirilir.

Faktla bağlı Cinayət Məcəlləsinin 263.1 (nəqliyyatda ehtiyatsızlıqdan zərər çəkmiş şəxsin sağlamlığına ağır və ya az ağır zərər vurduqda) maddəsi ilə iş açılıb.

Sami Süleymanlı