İrandan Azərbaycana narkotik keçirmək istədilər, tutuldular
Bizi izləyin

Hadisə

İrandan Azərbaycana narkotik keçirmək istədilər, tutuldular

Gömrükçülər İrandan Azərbaycana qanunsuz yolla narkotik vasitələr keçirilməsinin qarşısını alıb.

Dövlət Gömrük Komitəsindən Publika.az-a verilən məlumata görə, Astara Gömrük İdarəsinin sərnişin şöbəsində İrandan Azərbaycana piyada gələn Azərbaycan vətəndaşı Dəyanət Dəmirov gömrük nəzarətindən keçərkən onun çamadanındakı şampun qabında, məhlul formasında, ümumi təmiz çəkisi 0,7 qram təşkil edən narkotik maddə - metadon aşkar olunub.

Biləsuvar Gömrük İdarəsinin “Qoşa Təpə” gömrük postunda isə İrandan Azərbaycana gələn İran vətəndaşı Abdolı Mahmood Bahar Alının idarə etdiyi “Scania” markalı sərnişin avtobusuna xidməti itinin tətbiqi ilə baxış zamanı avtobusun qabaq sol hissəsində, iki ədəd işlək akkumulyatorunun arxa hissəsindəki boşluqda 1 ədəd bükümdə, xalis çəkisi 198,07 qram olan narkotik vasitə - tiryək aşkar edilərək götürülüb.

Hər iki faktla bağlı təhqiqat aparılır.

Oxumağa davam et
Reklam
Reklam

Gündəm