• USD 1,7000 0,00% EUR 2,0183 -0,05%
    • GBP 2,3633 -0,32% RUB 0,0232 0,00%

ABŞ-da “Əli və Nino” filminin premyerası keçiriləcək

  • Hadisə
  • 27 Yanvar 2016 06:55
  • 584 Baxış
ABŞ-da “Əli və Nino” filminin premyerası keçiriləcək

Bu gün ABŞ-ın nüfuzlu “Sundance” beynəlxalq film festivalı çərçivəsində “Əli və Nino” filminin premyerası keçiriləcək.

Publika.az xəbər verir ki, filmin nümayişi 3 gün - yanvarın 27-də, 28-də və 31-də olacaq. Film 2015-ci ildə yazıçı Qurban Səidin dünya bestselleri, eyniadlı romanı əsasında çəkilib.

“Əli və Nino” filminin icraçı prodüseri Leyla Əliyeva, prodüseri Kris Tikyer, rejissoru “BAFTA” mükafatı sahibi Asif Kapadia, ssenari müəllifi isə “Academy Award” mükafatı laureatı Kristofer Hemptondur.

Filmin çəkilişlərinə 2015-ci il fevralın 24-dən başlanılıb və iyun ayınadək davam edib. Çəkilişlər Bakıda, tarixi İçərişəhər küçələrində, paytaxtın bir sıra məkanlarında, Qobustan, Xınalıq və s. ərazilərdə aparılıb.

Filmdə Adam Bakri, Mariya Valverde, Halit Ərgənç, Mendi Petinkin, Konni Nilson, Rikkardo Samariko, Humayon Erşardi, Fəxrəddin Manafov, Əsad Bub, Numan Akar və digər məşhur aktyorlar çəkiliblər.

“Sundance” beynəlxalq film festivalı 1985-ci ildən keçirilir. Bu il 31-ci dəfə keçiriləcək festivalda 16 bədii, 10 sənədli filmin, uşaqlar üçün 3 ekran işinin premyerası olacaq və 9 filmə baxış keçiriləcək. Qeyd edək ki, festival yanvarın 21-də başlayıb və 31-dək davam edəcək.

Cəvahir

Halal Nemət

Xəbər lenti

DAHA ÇOX XƏBƏR