Hadisə
"Mən onu qadın bilirdim"
Bu gün Bakı Ağır Cinayətlər Məhkəməsində qətl törətməkdə təqsirləndirilən Şahlar Əliyevin cinayət işi üzrə məhkəmənin növbəti iclası keçirilib.
"Report"un xəbərinə görə, hakim Səbuhi Hüseynovun sədrliyi ilə keçirilən prosesdə hadisənin baş verdiyi mənzilin sahibi ifadə verib: "Ayla Dəmirova mənim evimdə kirayədə qalırdı. O, hadisədən bir neçə ay əvvəl mənim evimə gəldi. Ayla mənə gözəllik salonunda işlədiyini və ailəlikcə mənzildə qalmaq istədiyini dedi. Onu qadın kimi tanımışam, transseksual olduğunu bilmirdim. Daha sonra polis sahə müvəkkili mənə dedi ki, "onu tanıyırsanmı?!" Ayla Dəmirovanı evdən çıxarırdım. Bu haqda özlərinə də bildirdim. Ayın sonunu gözləyirdim. Lakin məlum hadisə baş verdi".
Məhkəmə fevralın 9-da davam etdiriləcək.
Qeyd edək ki, hadisə 2015-ci ildə Bakının Səbail rayonu, Axundov
bağının yaxınlığındakı mənzildə - Səid Rüstəmov, 26 ünvanında baş
verib. 1988-ci il təvəllüdlü Dəmirova Ayla Altay qızı evində qətlə
yetirilib. Hadisə zamanı daha iki nəfər də xəsarət alıb. Səbail
Rayon Polis İdarəsi 9-cu Polis Bölməsinin əməkdaşlarının keçirdiyi
əməliyyat zamanı 1995-ci il təvəllüdlü Əliyev Şahlar Həmid oğlu
tutularaq istintaqa təqdim edilib.
Ş.Əliyev Cinayət Məcəlləsinin 29.120-ci (qəsdən adam öldürməyə
cəhd), 120.2-ci (qəsdən adam öldürmə) və 181.2.3-ci (quldurluq,
yaşayış sahəsinə, habelə binaya, anbara və ya başqa saxlanc
yerlərinə qanunsuz olaraq girməklə törədildikdə) maddələri ilə
ittiham olunur.
Xatırladaq ki, qətlə yetirilən A.Dəmirova hadisədən əvvəl mətbuatın gündəminə avtomobil qəzası törətməsi ilə gəlib. Həmin vaxt məlum olmuşdu ki, o, əvvəllər Dəmirov Hətəmpaşa Altay oğlu olub, lakin sonradan cinsini və şəxsiyyət vəsiqəsində adını dəyişdirib.
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü