Hadisə
Tovuzda ər arvadının başını kəsdi - TƏFƏRRÜAT (YENİLƏNİB)
Ötən gün axşam saatlarından Tovuz rayonunda baş verən qətlin dəhşətli təfərrüatları bəlli olub.
Hüquq-mühafizə orqanlarından verilən məlumata görə, Alakol kənd sakini 1985-ci il təvəllüdlü Hüseynov Taleh Aydın oğlu öz həyat yoldaşını qısqanclıq zəminində öldürüb.
Belə ki, qətli törədən şəxs həyat yoldaşının Müdafiə Nazirliyinin hərbi hissələrindən birində müddətdən artıq xidmət edən (MAXE) işçi kimi çalışmasına etiraz edib və hələ Rusiyada olduğu müddətdə həyat yoldaşına işləməsini irad kimi bildirib. 24 yaşlı Aytəkin Ədalət qızı İbrahimova ilə 31 yaşlı ərinin mübahisəsi o qədər qızışıb ki, qadın iki ay əvvəl övladlarını da götürərək atasının evinə qayıdıb.
Sentyabrın 10-da Rusiyadan qayıdan kişinin həyat yoldaşı ilə mübahisələri davam edib və ötən gün axşam saatlarında marşrut avtobusunu dayandıraraq həyat yoldaşını oradan düşürüb və onun boğazını kəsib.
Daha sonra isə ərazidə olan taksi sürücülərindən birinə yaxınlaşaraq həyat yoldaşını öldürdüyünü və onu polis idarəsinə aparmasını xahiş edib.
Taksi sürücüsü imtina etdikdə isə onun avtomobilinə əyləşərək polis idarəsinə gəlib və könüllü təslim olub.
Faktla bağlı Tovuş Rayon Prokurorluğunda cinayət işi açılıb, araşdırmalar davam etdirilir.
Qeyd edək ki, qətl baş verən ailənin iki azyaşlı övladı var. (a24.az)
***
20.09.2016 22:09
Tovuz rayonunda dəhşətli qətl hadisəsi baş verib.
APA-nın məlumatına görə, hadisə rayon avtovağzalı ərazisində baş verib.
Tovuz rayonu, Alakol kənd sakini, 1992-ci il təvəllüdlü İbrahimova Aytəkin Ədalət qızı boğazı bıçaqla kəsilərək qətlə yetirilib.
Hazırda hüquq-mühafizə orqanlarının apardıqları araşdırmalar zamanı 24 yaşlı Aytəkinin həyat yoldaşı, Alakol kənd sakini 1985-ci il təvəllüdlü Hüseynov Taleh Aydın oğlu tərəfindən öldürüldüyü məlum olub.
Taleh Hüseynov artıq polis əməkdaşları tərəfindən saxlanılıb.
İlkin məlumata görə, qətl ailədaxili münaqişə zəminində baş verib.
Ailənin iki övladı olub.
-
Qoroskop00:30Günün ULDUZ FALI - Sevindirici xəbərlər gündəmə gələ bilər
-
İdman19 Noyabr 23:48Hakim ciddi xəsarət aldı, futbolçu 8 il müddətinə diskvalifikasiya edildi - VİDEO
-
Dünya19 Noyabr 23:12Bu ölkədə altı günlük iş həftəsi ləğv edildi
-
İdman19 Noyabr 23:00PSJ 50 milyonluq futbolçunun satışını təkzib etdi - FOTO
-
Nida Xəbər 19 Noyabr 21:50Holdinq rəhbəri 445 minlik mənimsəyə görə Azərbaycana gətirildi
-
Art19 Noyabr 20:48Alyona Əliyeva Bakı Xoreoqrafiya Akademiyasında - FOTO
-
Dünya19 Noyabr 20:36Qız həqiqəti gizlətdiyi üçün toy ləğv edildi - Kosmik tədqiqatlar üzrə alimi necə aldadıblar?
-
Elm və təhsil19 Noyabr 20:00Nazir Məleykə Abbaszadəni BDU-nun kollektivinə təqdim etdi - FOTO
























.jpg)



.png)









.png)