Hadisə

Əxlaqsızlıq yuvasında tutulan qadın: "Çəkməyin, ərim görər"

21 Sentyabr 2016 17:22

İstanbulda yerləşən diskotekalarda polislər tərəfindən aparılan əməliyyat nəticəsində fahişəliklə məşğul olan 40 qadın saxlanılıb. Onlardan 38-i başqa millətdəndir, 20-si isə ailəlidir.

Polisə bəzi diskotekalarda xarici vətəndaş olan qadınların pul qarşılığında fahişəlik etdiyinə dair şikayət daxil olub. Bundan sonra bir polis müştəri kimi diskotekaya gedib. Diskotekada qadınların satıldığını görən polis çöldə gözləyən əməkdaşlarına xəbər verib. Gecə yarısı təşkil edilən basqın zamanı 40 qadın saxlanılıb.

Qadınların ifadəsi alınan zaman isə maraqlı faktlar ortaya çıxıb. Demə, fahişəlik edən qadınlardan 20-si ailəli imiş. Başqa millətdən olan qadınlardan bəzilərinin pul qarşılığında evləndiyi, bəzilərininsə hələ də yoldaşı ilə bir yaşadığı məlum olub.

Sorğudan sonra müayinə üçün xəstəxanaya aparılan qadınlardan bəziləri kameralara "çəkməyin, həyat yoldaşım görər", - deyərək üzünü örtməyə çalışıb. (atv.az)