Yanvarda heyətini gücləndirməyi planlaşdıran “Arsenal” Türkiyə bazarına boylanır. “Beşiktaş”ın xavbeki Gökhan Törə “Topçular”ın diqqət mərkəzinə düşüb.
Publika.az Britaniya mətbuatına istinadən xəbər verir ki, London klubunun məşqçilər korpusu yarımmüdafiə xəttinin gücləndirilməsinə ehtiyac olduğunu düşünür. Bu mənada İngiltərənin paytaxtına yollanmağa ən real namizəd “Qartallar”ın 23 yaşlı yarımmüdafiəçisi Gökhan hesab olunur.
Yaxın günlərdə tərəflərin danışıq masasına oturacağı gözlənilir. Transfer isə bu qış həllini tapa bilər. Törə uğrunda mübarizədə “Topçular”ın əsas rəqibi başqa bir İngiltərə klubu “Nyukasl”dır.
Cari mövsümdə “Beşiktaş”ın formasında 7 oyuna çıxan Gokhan 1 qol və 5 məhsuldar ötürməylə yadda qalıb.
.jpg)
.jpg)
