İdman
“10 ildə ilk dəfə idi... - Təzyiqim düşdü”
Xəbər verdiyimiz kimi, dünən AFFA İntizam Komitəsi bəzi qərarlar qəbul etdi və klublara cəza yağdırdı. Bu cəzalardan biri də “Xəzər-Lənkəran” üçün tətbiq olunub. Qərara əsasən 4 oktyabr 2015-ci il, 2015/16 mövsümündə, 7-ci turun “Qəbələ” – “Xəzər Lənkəran”(0:6) matçından sonra cənub klubunun baş məşqçisi Yunis Hüseynov oyunsonrası mətbuat konfransında iştirak etmədiyinə görə klub 1000 manat cərimə olunub. Maraqlıdır, görəsən klubun baş məşqçisi Yunis Hüseynov qərarla bağlı nə düşünür?
Y.Hüseynov Publika.az-a açıqlamasında qərarı ağır adlandırıb və belə cəza veriləcəyini düşünmədiyini deyib:
“Cəza xəbərini eşidəndə çox təəssüfləndim. Çox ağır qərardır. İntizam Komitəsinin belə qərar verəcəyini gözləməzdim. Belə vəziyyətdə İntizam Komitəsinin məni cərimələməsi adama təsir edir. Saymamazlıq mənasında heç nə etməmişəm. Keçirilən mətbuat konfransına gələ bilməməyimə də çox pis olmuşdum. Konfransa qatılmamağıma səbəb əsəbiləşdiyim üçün təzyiqimin qalxması idi, indi yaxşıyam. 10 illik məşqçilik karyeramda ilk dəfə idi bu cür məğlubiyyətlə üzləşirdim (0:6), bu da məni əsəbləşdirdi. Klub həkimimiz ilkin yardım göstərdikdən sonra səhhətim yaxşılaşdı. Həkim çıxmağa qoymadı ki, istirahət edim. Mənə dedilər ki, heç bir problem yoxdur, mətbuat konfransına köməkçi-məşqçi Vidadi Həsənov qatılacaq, mən də rahat olmuşdum”.
Aygün İlqarqızı
-
Maraq dünyası13:35
Dünyanın ən gənc və ürəyi boş milyarderi: Bu müəmmalı şəxs niyə hamıdan gizlənir?
-
Hadisə13:01
Cavanşir Məmmədov vəfat etdi
-
Hadisə12:30
Maşınlarını tıxacda saxlayıb dalaşdılar - VİDEO
-
Sosial11:55
Əli Əsədov qərar imzaladı
-
Sosial11:25
Ömrü yarıda, pulu havada qalanlar: Pensiya kapitalı varislərə qaytarıla bilər?
-
Hadisə11:10
Azərbaycanın əməkdar artisti vəfat etdi - FOTO
-
Müsahibə10:15
Diplomu 175 ölkədə tanınan azərbaycanlı: İki illik proses 40 gündə bitdi
-
Region09:20
Tavuşda etiraz başladı: Ermənilər İrəvan-Tbilisi yolunu bağladılar