İdman

Gerd Müller ağır xəstəliyə tutulub - FOTO

8 Oktyabr 2015 02:15

Əfsanəvi futbolçu, Almaniya yığmasının və “Bavariya” klubunun hücumçusu Gerd Müller alzeymer xəstəliyindən əziyyət çəkir.

Futbolçunun xəstəliyi ilə bağlı məlumatı “Bavariya”nın rəhbərliyi də təsdiqləyib. Klubun icraçı direktoru Karl-Hayns Rummeniqqe bildirib ki, Herd Müller dünya futbolunun əfsanəsidir və onun Almaniya millisi, “Bavariya” qarşısında xidmətləri misilsizdir.

Noyabrın 3-dəMüllerin 70 yaşı tamam olacaq. Lakin onun xəstəliyi ilə əlaqədar rəsmi yubiley mərasimi təşkil edilməyəcək. Hazırda o, həkim nəzarəti altındadır.

Xatırladaq ki, Gerd Müller karyerası ərzində “Bavariya”da 13 kubok qazanıb. Futbolçu 585 oyunda 533 qol vurub. Millinin heyətində isə dünya və Avropa çempionu olub.