Bir biletin qiyməti - 3,5 milyon avro

İdman
12 Oktyabr 2015 19:57
736 Baxış

Rumıniya millisi gələn il Fransada düzənlənəcək Avropa çempionatına yüksək əhval-ruhiyyədə hazırlaşacaq.

Publika.az xəbər verir ki, milli fiubolçuları turnirin final mərhələsinə vəsiqə qazandıqları üçün 3,5 milyon avro mükafatı bölüşdürəcək. Prosport.ro saytının yazdığına görə, bu anlaşma hələ ötən ilin payızında komandanın kapitanı Çiprian Marika ilə Rumıniya Futbol Federasiyasının prezidenti Razvan Burlyan arasında bağlanıb. Hərçənd bu məbləğ 4 milyon avro da ola bilərdi. Bunun üçün rumınlar seçmə mərhələni qrup lideri kimi başa vurmalıydı.

Xatırladaq ki, Rumıniya millisi dünən Farer adaları üzərində 3:0 hesablı qələbə qazanaraq, xallarının sayını 20-yə çatdırıb və F qrupunda Şimali İrlandiyanın (21 xal) ardından 2-ci pilləni təmin edib.