“Neftçi” İdman Klubu İctimai Birliyinin İdarəetmə Aparatının rəhbəri Sadıq Sadıqov futbol klubunun Müşahidə Şurasının üzvlüyündən çıxdığını bəyan edib.
Publika.az xəbər verir ki, S.Sadıqov cüdoda olan işlərinin çoxluğu səbəbindən bu vəzifəsindən imtina edib. Ancaq o, “Neftçi” İdman Klubu İctimai Birliyinin İdarəetmə Aparatının rəhbəri vəzifəsini hələ də icra edir.
Sadıqovun istefası ilə bağlı “Neftçi”nin Mətbuat və İctimaiyyətlə Əlaqələr Departamentinin rəhbəri Mehman Rəsulovla əlaqə saxladıq. Klub rəsmisi Publika.az-a belə açıqlama verdi:
“Müşahidə Şurasının üzvləri təsisçi tərəfindən müəyyən olunur. Bununla bağlı təsisçi tərəfindən kluba hər hansı məlumat verilsə, ictimaiyyətə açıqlanacaq. Klubun təsisçisi rəsmi məlumat bildirəndə açıqlayacağıq”.
Belə çıxır ki, Sadıq Sadıqovun “Neftçi” futbol klubunun Müşahidə Şurasının üzvlüyündən çıxması hələ rəsmi şəkildə təsdiqini tapmayıb.
Aygün İlqarqızı
.jpg)
