İdman

Qomesin müqaviləsindəki “təhlükəli bənd” - “Beşiktaş” narahatdı

24 Oktyabr 2015 17:55

“Beşiktaş” rəhbərliyi alman forvardı Mario Qomeslə bağladığı müqaviləyə yenidən baxmaq istəyir.

Qomeslə iki illik anlaşması olan “qartallar”ı müqavilədəki bir bənd narahat edir. Müqavilədə nəzərdə tutulub ki, mövsümün sonunda həm futbolçu istəsə, klubu tərk edə bilər, həm də klub istəsə, heç bir təzminat ödəmədən Qomeslə yollarını ayıra bilər.

Moskva “Lokomotiv”iylə Avroliqa oyununda (1:1) komandasının yeganə qoluna imza atan Qomesin mövsüm sonunda İstanbuldan ayrıla bilmək ehtimalı artıq “qartallar”ın rəhbərliyini narahat etməyə başlayıb.

Məsələ burasındadı ki, alman hücumçuyla başda “Volfsburq” olmaqla bir neçə klubun maraqlandığı deyilir. “Beşiktaş” rəhbərliyini narahat edən də budu. Ona görə də, “qartallar”ın tezliklə Qomeslə müqaviləyə yenidən baxmaq üçün masa arxasına oturacağı iddia olunur.

komanda.az