• USD 1,7000 0,00% EUR 2,0681 0,00%
    • GBP 2,3774 0,00% RUB 0,0230 0,00%

Tarix təkrarlandı – Azərbaycanlı və türk döyüşçülər bayraq dəyişdirdi - VİDEO

  • İdman
  • 31 Oktyabr 2015 19:54
  • 4 774 Baxış
Tarix təkrarlandı – Azərbaycanlı və türk döyüşçülər bayraq dəyişdirdi - VİDEO

Serbiyanın Belqrad şəhərində kikboksinqin WAKO versiyası üzrə Dünya Çempionatı idmançılarımız üçün başa çatıb.

Döyüşçülərimiz 2 ildən bir keçirilən mötəbər turnirdən əliboş qayıtmayıb. Publika.az xəbər verir ki, bu gün Azərbaycan Kikboks Federasiyası 6 illik fasilədən sonra Elşad Ələsgərov (54kq) sayəsində WAKO versiyası üzrə dünya çempionatının qızıl medalını qazanıb.

Ümumilikdə isə idmançılarımız bu yarışdan 1 qızıl, 3 gümüş və 3 bürünc medal əldə ediblər.

WAKO üzrə dünya çempionatının finalında daha bir maraqlı hadisə yaşanıb. Çempion adı qazanan idmançımız Elşad Ələsgərov finalda qarşılaşdığı türkiyəli rəqibi Soner Şenlə bayraq dəyişdirib.

Belə ki, azərbaycanlı çempion rinqdə türk bayrağını, rəqibi isə Azərbaycan bayrağını kürəyində gəzdirib.

Medal qazanmış idmançıları təqdim edirik:

Elşad Ələsgərov- (54 kq, “K-1”) - 1-ci yer

Ehram Məcidov (+94 kq, “kiklayt”) - 2-ci yer

Ramal Aslanov – (61 kq, “loukik”) - 2-ci yer

Anar Məmmədov – (91 kq, “K-1”) - 2-ci yer

Ramiz Məmmədov – (54 kq, “loukik”) -3-cü yer

Çingiz Əhmədzadə- (51 kq, “K-1”) - 3-cü yer

Zöhrab Əzimov - (60 kq, “loukik”) - 3-cü yer

Məlumat üçün bildirək ki, Elşad Ələsgərov kikboks üzrə 2 qat dünya çempionu Elnur Əliyevin tələbəsidir.

Elşad Ələsgərov Bu il martın 14-də Rusiyanın Sankt-Peterburq şəhərində keçirilən Heydər Əliyev kuboku uğrunda turnirdə erməni əsilli rusiyalı kikboksçu Armen Arutunovu məğlub etmişdi.

Aygün İlqarqızı

Halal Nemət

Xəbər lenti

DAHA ÇOX XƏBƏR
[X]
1xBet