İdman

“Qarabağ” – “Monako” oyununun biletləri sabahdan satışda – VİDEO

1 Noyabr 2015 18:27

"Qarabağ" - "Monako" qarşılaşmasının biletləri satışa çıxır.

Publika.az xəbər verir ki, Avropa Liqasının qrup məhələsinin 4-cü turu çərçivəsində Fransa təmsilçisini qəbul edəcək "Köhlən atlar" doğma divarlar arasında ikinci oyununa çıxacaq.

"Qarabağ" - "Monako" oyununun biletləri noyabrın 2-də, saat 10:00-dan etibarən matçın keçiriləcəyi Tofiq Bəhramov adına Respublika stadionun kassalarında satışa çıxarılacaq.

Biletlərin qiyməti sektordan asılı olaraq, 1, 2, 3, 5, 10 və 20 AZN-dir. VİP sektora biletlərin qiyməti isə 50 AZN-dir.

"Qarabağ" Futbol Klubu rəsmi saytında azarkeşlərdən biletləri sadəcə kassalardan əldə etməyi xahiş edib. Belə ki, biletlər məhz kassalarda qeyd olunmuş qiymətlərlə satılacaq.

"Qarabağ" - "Monako" matçı noyabrın 5-də, saat 20:00-da start götürəcək.