Almanlar Londondakı “hörmətsizliyə” necə cavab verəcək?

Bu gün Çempionlar Liqasında daha dörd qrupda 4-cü tura yekun vurulacaq.

Publika.az xəbər verir ki, E, F, G və H qruplarında ümumilikdə 8 oyun keçiriləcək.

Azarkeşlər F qrupunda daha maraqlı mübarizənin şahidi olacaq. Qrup lideri "Bavariya" doğma meydanda İngiltərə "Arsenal"ını qəbul edəcək. Münhen təmsilçisi qələbə qazanacağı təqdirdə, liderliyini möhkəmləndirmiş olacaq. "Topçular" isə növbəti mərhələ şanslarını saxlamaq üçün səfərdən mütləq qələbə ilə dönməlidirlər. Qrupun digər oyununda "Olimpiakos" və Zaqreb "Dinamo"su qarşılaşacaq.

G qrupunda böhranlı günlər yaşayan "Çelsi" Kiyev "Dinamo"sunu qəbul edəcək. Joze Mourinyonun rəhbərlik etdiyi komanda qələbə qazanarsa, 1/16 final mərhələ şanslarını saxlayacaq. Məğlubiyyət isə "Zadəganlar"ın mövqeyini daha da pisləşdirəcək. Digər oyunda İsrail "Makkabi"si və Portuqaliya" "Portu"su yarışacaq.

Çempionlar Liqası. 4-cü tur

E qrupu

23:45 Barselona (İspaniya) – BATE (Belarus)

23:45 Roma (İtaliya) – Bayer (Almaniya)

Barselona – 7, Bayer – 4, BATE – 3, Roma – 2.

F qrupu

23:45 Bavariya (Almaniya) – Arsenal (İngiltərə)

23:45 Olimpiakos” (Yunanıstan) – Dinamo Z (Xorvatiya)

Bavariya, Olimpiakos – 6, Arsenal, Dinamo Z – 3.

G qrupu

23:45 Çelsi (İngiltərə) – Dinamo K (Ukrayna)

23:45 Makkabi T-Ə (İsrail) – Portu (Portuqaliya)

Porto – 7, Dinamo K – 5, Çelsi – 4, Makkabi T-Ə – 0.

H qrupu

23:45 Lion (Fransa) – Zenit (Rusiya)

23:45 Gent (Belçika) – Valensiya (Belçika)

Zenit – 9, Valensiya – 6, Gent, Lion – 1.