• USD 1,7000 0,00% EUR 1,8725 -0,17%
    • GBP 2,1844 -0,09% RUB 0,0265 -0,38%

Antalyada qazancımız 4 medal oldu, sırada Avropa çempionatıdır

  • İdman
  • 17 Fevral 2016 17:37
  • 680 Baxış
Antalyada qazancımız 4 medal oldu, sırada Avropa çempionatıdır

Antalyada taekvondo üzrə keçirilən “Turkish open” beynəlxalq turnirinə yekun vurulub.

Publika.az xəbər verir ki, sayca 3-cü dəfə təşkil olunan G1 kateqoriyalı yarışda yığmamız 4 medal qazanıb.

Belə ki, Reza Mehmandoustun yetirmələrindən Sina Bahrami (63 kq, qızıl medal) və Məmmədalı Quliyevin (58 kq, bürünc) ardınca daha 2 taekvondoçumuz fəxri kürsüyə qalxıb.

Bu dəfə komandamıza uğuru gənclər millimizin üzvləri - Əliəsgər Əliyev (68 kq) və Orxan Tağızadə (+78 kq) qazandırıblar. Onların hər ikisi yarımfinalda məğlub olmaqla, bürünc medala yiyələniblər.

Bu yarışın ardınca - sabah klublararası Avropa çempionatına start veriləcək. 3 gün davam edəcək qitə birinciliyində “Gilan” klubu, Sumqayıt OİK və Təhsil RİM-i təmsil edən idmançılar güclərini yoxlayacaqlar.

Xəbər lenti

DAHA ÇOX XƏBƏR