Mourinyo: "Özümə klub axtarmıram"
Bizi izləyin

İdman

Mourinyo: "Özümə klub axtarmıram"

"Çelsi"nin sabiq baş məşqçisi Joze Mourinyo İtaliyanın "İnter" klubunu çalışdıracağı iddialarına münasibət bildirib.

Qol.Az-ın xarici KİV-lərə istinadən verdiyi məlumata görə, o, bu xəbərləri təkzib edib.

Həftəsonu keçiriləcək "İnter" - "Sampdoriya" matçını "San Siro" stadionundan izləyəcək J.Mourinyo bildirib ki, Milan səfəri bir günlük olacaq:

"Mən özümə klub axtarmıram, klub nümayəndələri mənimlə danışıqlar aparır. Milana Morattinin dəvəti ilə bir günlüyə gəlmişəm. Moratti ailəsi ilə yemək yeyəcəyik, daha sonra isə "İnter" - "Sampdoriya" oyununu izləyəcəyik".

J.Mourinyo "İnter"in baş məşqçisi Roberto Mançinini tərifləyib:

"Mançininin "İnter"də gördüyü işləri bəyənirəm. Ümid edirəm ki, bu klub tezliklə əvvəlki gücünü bərpa edəcək".

J.Mourinyo növbəti mövsüm hansı klubu çalışdıracağı ilə bağlı suala belə cavablandırıb:

"Həqiqətən də bu sualın cavabını bilmirəm. Bircə onu deyə bilərəm ki, mən futbola aşiqəm. Bütün klublara və məşqçilərə hörmətim var. Dediyim kimi özümə klub axtarmıram".

Oxumağa davam et
Reklam
Reklam

Gündəm