• USD 1,7000 0,00% EUR 2,0193 0,00%
    • GBP 2,3709 0,00% RUB 0,0232 0,00%

HƏSRƏT BİTDİ: Protestantlarla katoliklər yenidən bir arada

  • İdman
  • 7 Aprel 2016 01:31
  • 835 Baxış
HƏSRƏT BİTDİ: Protestantlarla katoliklər yenidən bir arada

Şotlandiya nəhəngi “Reyncers” yenidən Premyer Liqaya qayıdıb.

Publika.az xəbər verir ki, Çempionşipin 32-ci turunda “Dambarton”a qalib gələn (1:0) “Reyncers” elitaya vəsiqəni təmin edib. Bu qələbədən sonra Qlazqo klubu xallarının sayını 79-a çatdırıb. “Reyncers” ikinci pillədə qərarlaşan “Falkirk”i 17 xal qabaqlayır ki, bu da birinci pillənin təmin olunması deməkdir.

“Qlazqo Reyncers” 4 ildən sonra Şotlandiya Premyer Liqasına qayıdır. Komanda 2012/2013 mövsümündə cəzalanaraq, 4-cü diviziona göndərilmişdi.

“Reyncers” 54 dəfə Şotlandiya çempionu olub. Bu, rekord göstərici sayılır. Qlazqo klubunun cəzalı olduğu 4 ildə Şotlandiyada çempionluğu əzəli rəqib “Seltik” qazanıb.

Daim prinsipiallığı ilə seçilən bu komandaların oyununda ölüm-dirim mübarizəsi dərəcəsində rəqabətin olması həm də siyasi xarakter daşıyır. Səbəbi “Reyncers”in "Protestant və Kraliça klubu", “Seltik”in isə kraliçaya boyun əyməyən katoliklərın komandası olmasıdır.

Halal Nemət

Xəbər lenti

DAHA ÇOX XƏBƏR