İdman

Şok olay – Ulduz futbolçunu ölümdən belə xilas etdilər – VİDEO

1 Aprel 2014 14:47

Ukrayna çempionatının son turunda keçirilən “Dnepr”-“Dinamo” (Kiyev) qarşılaşmasında şok hadisə yaşanıb.

Publika.az xəbər verir ki, oyunun 22-ci dəqiqəsində “Dinamo”nun kapitanı Oleq Qusev “Dnepr”in qapıçısı Denis Boyka ilə toqquşub. Nəticədə Qusev huşunu itirib.

Ona ilk yardım edən isə “Dnepr”in futbolçusu Djava Kankava olub. Kankava Oleqin dilinin qatlanmasının qarşısını alıb. Hadisə nəinki futbolçuları, bütün stadionu şoka salıb. Həkimlərin müdaxiləsindən sonra Qusev özünə gəlib.

Kankava olayı belə şərh edib: “Bir dəfə belə hadisə ilə üzləşmişdim. Həmin vaxt millidə komanda yoldaşıma kömək etmişdim.

Ona görə də özümü itirmədim. Nə vaxtsa belə situasiyada necə hərəkət etmək lazım olduğunu həkimlərdən eşitmiş və yadda saxlamışdım. Ən əsası odur ki, Qusevlə hər şey yaxşıdı. İndi o, özünü əla hiss edir”.