İdman

Messinin ayağı tutulub

11 Aprel 2016 12:52

Yubiley qolu deyəsən onunla acı zarafat edir. Söhbət Lionel Messidən və karyerasında vurmağa hazırlaşdığı 500-cü qoldan gedir.

Publika.az xəbər verir ki, argentinalı futbolçu 2011-ci ildən bəri ilk dəfə uzunmüddətli susqunluq dövrü yaşayır. O, 4 oyundu adını tabloya yazdıra bilmir. Leo “Vilyarreal” (2:2), “Real” (1:2), “Atletiko” (2:1) və “Real Sosyedad”la (0:1) oyunlarda meydanı qolsuz və məhsuldar ötürməsiz tərk edib. Sonuncu dəfə bu hal 2011-ci ilin mayında yaşanmışdı. O vaxt “Real”, “Espanyol”, “Levante” və “Deportivo” Messiyə fərqlənmək şansı verməmişdi.

Bir daha xatırladaq ki, növbəti oyunda vuracağı ilk qol Leonun karyerasında 500-cü olacaq. Cari mövsümdə 44 oyun keçirən “Barselona”nın lideri 29 qol vurub.