İdman
APL-də Azərbaycan derbisi - AFİŞA
Azərbaycan Premyer Liqasında 30-cu tur sabah Qəbələdə start götürəcək. Ümumiyyətlə, bu turun oyunları üç gün ərzində keçiriləcək.
Publika.az xəbər verir ki, ilk oyun Qəbələdə olacaq. Burada yerli komanda “Rəvan”ı qəbul edəcək. Hazırda hər iki komandanın durumu pisdir. "Qəbələ" artıq bütün rəqiblər üçün potensial xal mənbəyinə çevrilib. Roman Qriqorçukun yetirmələri Premyer Liqada 5 oyundur qələbə sevinci yaşaya bilmir. "Qəbələ" "Rəvan"a da qalib gələ bilməsə, bunun bircə adı olacaq: biabırçılıq.
"Qarabağ" ikinci oyun günündə meydana çıxacaq. Aprelin 16-da "Neftçi" lideri qəbul edəcək. Cari mövsümdə baş tutan Azərbaycan derbilərində "Neftçi" "Qarabağ"la keçirdiyi üç qarşılaşmadan ikisində məğlub olmayıb. Birində qalib gəlib, birində isə heç-heçə edib. Ancaq "Neftçi"nin yenə boyundan yuxarı tullanması inandırıcı deyil.
Günün digər qarşılaşmasında Gəncədə "Kəpəz" "İnter"i qəbul edəcək. Şahin Diniyevin komandası son turlar nəinki qələbə qazana bilmir, heç qol da vurmağı bacarmır.
Son oyun günündə - aprelin 17-də də iki qarşılaşma baş tutacaq. "Qarabağ"ın çempionluğu rəsmiləşdirməsinə ciddi-cəhdlə mane olan "Zirə" "Xəzər Lənkəran"ı qəbul edəcək. Böyük ehtimalla, "Köhlən atlar" yenə də qəsəbə komandasından aralana bilməyəcək. "Xəzər Lənkəran"ın "Zirə"dən xal alacağı inandırıcı deyil. Amma əvəzində "Bankirlər"in Gəncəyə səfər edəcəyini nəzərə alsaq, "Zirə" gümüş medallar uğrunda mübarizədə əsas rəqibindən - "İnter"dən aralana bilər.
Tura Şüvəlanda yekun vurulacaq. “AZAL Arena”da AZAL "Sumqayıt"ı qəbul edəcək. Avrokuboklara iddialı olan "Təyyarəçilər"in durumu yaxşılaşdırmaq üçün əla imkanları var. AZAL-ın avrokuboklar yolunda əsas rəqibi "Neftçi" "Qarabağ"ın önünə çıxacaq və bu oyunda xal itkisi gözləniləndir. "Təyyarəçilər" öz meydanında məğlubedilməzdir.
Azərbaycan. Premyer Liqa, 30-cu tur
15 aprel
16:00 Qəbələ – Rəvan
Cari mövsümdə: 3:0, 1:1, 1:0
Statistika: 11 oyun, 7 qələbə, 2 heç-heçə, 2 məğlubiyyət, top fərqi – 21:9.
Hakimlər: Rauf Cabbarov, Mübariz Haşımov, İsgəndər Əliyev, Ziya Nəsirov
AFFA nümayəndəsi: Məmmədəli Məmmədov
Hakim-inspektor: Vüsal Əliyev
Qəbələ şəhər stadionu
"Rəvan" son 8 qarşılaşmada qalib gəlməyib. "Qəbələ" son 4 matçda qol vurub. "Rəvan" son iki səfər oyununda heç-heçə edib.
16 aprel
16:00 Neftçi – Qarabağ
Cari mövsümdə: 1:1, 1:0, 0:2
Statistika: 63 oyun, 18 qələbə, 24 heç-heçə, 21 məğlubiyyət, top fərqi - 59:62.
Hakimlər: Ramil Diniyev, Mehman Mahmudov, Knyaz Əmiraslanov, Orxan Məmmədov
AFFA nümayəndəsi: Ramiz Mustafayev
Hakim-inspektor: Rövşən Əhmədov
“Bakcell Arena”
Ölkə çempionatında ən çox qarşılaşan rəqiblər 64-cü dəfə üz-üzə gələcək. Komandaların son 4 oyununda meydan sahibi olan tərəf uduzmayıb. "Neftçi" son 11 matçda cəmi 1 dəfə qalib gəlib.
13:30 Kəpəz – İnter
Cari mövsümdə: 0:1, 0:0, 0:1
Statistika: 21 oyun, 4 qələbə, 3 heç-heçə, 14 məğlubiyyət, top fərqi – 18:40.
Hakimlər: Əliyar Ağayev, Zeynal Zeynalov, Rza Məmmədov, Mahir Məmmədov
AFFA nümayəndəsi: Abas Hüseynov
Hakim-inspektor: Əhmədağa Cabbarov
Gəncə şəhər stadionu
"Kəpəz" 7 oyundur qələbə qazanmır. "İnter" 4 matçdır qol buraxmır. Gəncə təmsilçisi son 3 ev qarşılaşmasında da qol sevinci yaşamayıb.
17 aprel
16:30 Zirə – Xəzər Lənkəran
Cari mövsümdə: 1:0, 1:0, 2:0
Statistika: 3 oyun, 3 qələbə, top fərqi – 4:0.
Hakimlər: Rəvan Həmzəzadə, Munis Abdullayev, Vüsal Qənbərov, Rəhim Həsənov
AFFA nümayəndəsi: Mübariz Hüseynov
Hakim-inspektor: Məhəmməd Məmmədov
Zirə İdman Kompleksinin stadionu
"Zirə" əvvəlki oyunların hamısında qalib gəlib. "Xəzər Lənkəran" keçirilən 3 matçda qol vura bilməyib.
19:00 AZAL – Sumqayıt
Cari mövsümdə: 1:1, 2:0, 0:2
Statistika: 19 oyun, 7 qələbə, 8 heç-heçə, 4 məğlubiyyət, top fərqi – 26:20.
Hakimlər: Fariz Yusifov, Vaqif Musayev, Azər Əsgərov, Ramil Əhmədov
AFFA nümayəndəsi: Elbrus Abbasov
Hakim-inspektor: Gülağa Cabarov
“AZAL Arena”
Son 4 oyunda qapılara 2 qol vurulub. AZAL indiyədək evdə uduzmayıb.
Qeyd: Turun bütün oyunları CBC Sport kanalı vasitəsi ilə canlı yayımlanacaq.
Bombardirlər: Nelson Bonilla (Zirə) – 13, Dani (Qarabağ), Ruslan Qurbanov (Neftçi) -10, Riçard Almeyda (Qarabağ) – 9.
Pərviz Hikmət
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middltonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO