İdman
Dodo “Qəbələ” ilə müqaviləsini yeniləyir
"Dodo "Xəzər Lənkəran"la oyunda meydana çıxmağı çox istəyirdi. Amma oyunöncəsi məşqdə zədə özünü göstərdi". Bunu "Qəbələ" klubunun baş meneceri Zaur Əzizov komandanın üzvü Dodonun vəziyyətinə aydınlıq gətirərkən deyib.
Publika.az xəbər verir ki, hazırda "Qırmızı-qaralar"ın braziliyalı aparıcı üzvünün fərdi məşq etdiyini söyləyən Z.Əzizov yarımmüdafiəçinin 4-5 gün ərzində komanda ilə birgə məşqlərə qoşula biləcəyini söyləyib: "Hər bir futbolçunun zədəsi bizi narahat edir. Deməzdim ki, Dodo zədəyə meyllidir. Mövsümün ilk yarısında xeyli ağır oyunlar oldu. Fikrimiz odur ki, əlimizdə olan futbolçulardan maksimum yararlanaq. Hazırda plan üzrə işləyirik. Dodo tezliklə komandaya qoşulacaq".
Baş menecer 29 yarışlı oyunçunun yayda "Qəbələ"dən gedəcəyi ilə bağlı yayılan məlumatlara da aydınlıq gətirib: "Dodo "Qəbələ"də qalmağı çox istəyir. Biz komanda ilə mütəmadi görüşür və danışırıq. Bu mövzuda klub o qədər də tələsmək istəmir. Deyirlər ki, Dodo artıq klub tapıb və gedir. Amma o, müqaviləsini klubun istədiyi müddətə artırmağa hazırdır".
"Qəbələ" rəsmisi komandadan göndəriləcək futbolçularla bağlı hələ heç bir qərar verilmədiyini bildirib: "Hazırda bizim üçün mövsümün ən önəmli dönəmidir. Futbolçuların seçimi ilə klubun seleksiyaçıları məşğul olur. Onlar mövsüm ərzində bu işi görürlər. Çempionatın sonları olduğu üçün bütün diqqətimizi qarşıdakı çempionat və kubok oyunlarına yönəltmişik. Mövsümü başa vurduqdan sonra futbolçularla bağlı işlər görüləcək". (Report)
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı