Cüdoçularımız Almatı Qran Prisinə fiaskoyla başladı
Bizi izləyin

İdman

Cüdoçularımız Almatı Qran Prisinə fiaskoyla başladı

Bu gün Qazaxıstanın paytaxtı Almatı şəhərində cüdo üzrə Qran Priyə start verilib.

Publika.az xəbər verir ki, ilk yarış günündə Azərbaycanın 5 cüdoçusu tatami üzərinə çıxıb.

Yeganə qadın idmançı Aişə Qurbanlı 48 kq çəkidə mübarizəyə 1/16 finaldan qoşulub. İlk görüşdə İndoneziya təmsilçisi Terri Kusumaşardani Susantini məğlub edən A.Qurbanlı 1/8 finalda fransalı Laetitia Payetlə bacarmayıb.

60 kq çəkidə kişilərin yarışında Azərbaycanın iki cüdoçusu mübarizə aparıb. Sadiq Məhərrəmov ilk görüşdəcə misirli Ahmed Abelrahmana uduzub. Vüqar Şirinli isə ABŞ idmançısı Aron Kunihironu üstələsə də, qazaxıstanlı Kiliş Yerenkaiypovu yenə bilməyib.

66 kq-da çıxış edən Tərlan Kərimov 1/16 finalda məğlubiyyətlə üzləşib. O, qazaxıstanlı Azamat Mukanovu məğlub edə bilməyib. İskəndər Talışınski isə 1/8 finalda yaponiyalı Yoşiro Maruyamadan güclü ola bilməyib.

Qeyd edək ki, mayın 14-də 73 kq çəki dərəcəsində Vüqar Bayramovla Fəqan Quluzadə, 81 kq çəkidə isə Ceyhun Babakişiyev və Əbdülhəqq Rəsullu mübarizəyə qoşulacaq.

Oxumağa davam et
Reklam
Reklam

Gündəm