İdman

Ayağı iki yerə bölündü, amma səsini belə çıxartmadı - FOTO/VİDEO

7 Avqust 2016 17:30

Fransalı gimnast Samir Ait Said Rio-2016 olimpiya yarışlarında akrobatik tullanma zamanı səhvən yerə çırpılıb.

Publika.az istinadən xəbər verir ki, nəticədə 26 yaşlı atletin ayağı iki yerdən sınıb. Həkimlər atleti dərhal xərəyə qoyub, təcili tibbi yardım maşını ilə xəstəxanaya aparıblar. Atletə dəstək olmaq və onun ruhdan düşməməsi üçün arenadan tamaşaçılar onu alqışlarla yola salıb.

Məlum olub ki, dörd il əvvəl London Olimpiyadasına iki ay qalmış Səidin digər ayağı eyni ilə bu dəfəki kimi sınıb. Səidin həmkarı Siril Tomas bildirib ki, Fransa komandası bu hadisədən böyük təəssüf hissi keçirib: "Bu çox ağır vəziyyət idi. Həm Fransa komandası, həm də onun özü üçün gözlənilməz oldu".