İdman
“Dalğa”da əcnəbilərin görüşü – “Qarabağ”ı “VURMAQ” PLANI
Sabah Azərbaycan Premyer Liqasında II tura start veriləcək.
Publika.az xəbər verir ki, ilk dəfə oyunların hərəsi bir gündə keçiriləcək.
“Sumqayıt” son 3 mövsümün çempionu “Qarabağ”ı qəbul edəcək. Mövsümə Zirədəki gözlənilməz qələbə ilə başlayan Samir Abasovun yetirmələri Ağdam klubuna növbəti zərbəni vurmağa çalışacaq. Çempionlar Liqası ilə vidalaşıb, ardından “İnter”ə də uduzan Qurban Qurbanovun yetirmələri favoriti olduğu görüşdə də xal itirsə, Avropa Liqasının oyunu öncəsi psixoloji cəhətdən çətin duruma düşəcək. Sumqayıtlılar isə nə dərəcədə iddialı olduqlarını bu matçda göstərə bilər.
Turun ikinci oyun günündə Avropa Liqasında mübarizəni davam etdirən digər klubumuz “Qəbələ” meydana çıxacaq. Əyalət klubu Bakıda “İnter”i qəbul edəcək. Oyun paytaxt təmsilçisinin meydanında keçirilməli olsa da, “Dalğa Arena”da baş tutacaq. İlk turda qələbə qazanan iki rəqib arasındakı görüş turun mərkəzi oyunu hesab edilir. Bu oyun həm də "Qarabağ"ın üçillik hegemonluğuna son qoymaq istəyən Premyer Liqanın iki əcnəbi mütəxəssisi – Roman Qriqorçukla Zaur Svanadzenin dueli olacaq.
Gəncədə 1-ci turun uğursuzları üz-üzə gələcək. “Kəpəz” və AZAL autsayderlərin duelində qarşılaşacaq. Avropa Liqasını da nəzərə alsaq, qərblilər ümumilikdə 3 oyundur ki, qol vurmadan uduzur. Şahin Diniyevin yetirmələri bu seriyanı qırmaq əzmindədir.
Tura paytaxt derbisi ilə yekun vurulacaq. “Neftçi” tarixi ərzində uda bilmədiyi yeganə Azərbaycan klubu olan “Zirə”ni qəbul edəcək. Ötən mövsüm Zirədə hər iki oyunda uduzan, son səfərdə 3 cavabsız qolla darmadağın yaşayan “Ağ-qaralar” revanşla azarkeşlərini sevindirə bilər.
Premyer Liqa, 2-ci tur
11 avqust
19:00 Sumqayıt – Qarabağ
“Kapital Bank Arena”
12 avqust
20:00 Qəbələ – İnter
“Dalğa Arena”
13 avqust
17:00 Kəpəz – AZAL
Gəncə şəhər stadionu
14 avqust
21:00 Neftçi – Zirə
8-ci km stadionu
Pərviz Hikmət
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO
-
Yaxın Şərq09:12
İsrail İranı vurdu: görün neft bahalaşaraq neçəyə oldu
-
Hadisə08:07
Qızı ilə Kürdə batan atanın meyiti TAPILDI
-
Magazin106:16
Əməkdar artist: “Oğlumun vəfatından sonra yatmıram”
-
Kriminal03:30
Sumqayıtda AİLƏ FACİƏSİ: oğul ata-anasını qətlə yetirdi - YENİLƏNDİ
-
Magazin202:22
Məşhur model çimərlikdə çılpaq pozalar verdi - FOTO