İdman

Rio-2016-dan qayıdan idmançılar həbs edildi – Zimbabvedə

28 Avqust 2016 18:14

Zimbabvenin Rio-2016 Olimpiya Oyunlarında iştirak edən komandasının bütün üzvləri həbs edilib.

Publika.az Türkiyə mətbuatına istinadən xəbər verir ki, 31 idmançı Zimbabve prezidenti Robert Muqabenin qəzəbinə tuş gəlib.

R. Muqabenin qəzəblənməsinə səbəb idmançıların Olimpiadada heç bir medal qazana bilməmələri olub. Zimbabve prezidenti onları atlet yox, siçan adlandırıb: “Əgər qonşu Botsvana idmançıları kimi 4-cü, 5-ci yeri belə tuta bilmirsinizsə, pulumuzu boş yerə xərcləmisiniz. İdmançılara sərf edilən pula məktəb tikmək, yaxud əhalinin sosial vəziyyətini yaxşılaşdırmaq mümkün idi. Həmin idmançılar onlara xərclənən pulları geri qaytaracaqlar. Belə hesab edək ki, hökumət onlara Braziliyanı 1 turist kimi gəzmək üçün kredit ayırdı. Hər halda, o, idmançılar bundan başqa heç nəyə yaramadılar. Bu proses 10 il də davam etsə, o idmançılar xərclənmiş pulu geri qaytaracaqlar”.

Qeyd edək ki, Zimbabve atletlərinin ən yaxşı nəticəsi 8-ci yer olub.