Millinin baş məşqçisinə KORRUPSİYA TƏLƏSİ
Bizi izləyin

İdman

Millinin baş məşqçisinə KORRUPSİYA TƏLƏSİ

İngiltərə Futbol Assosiasiyası (FA) ölkə yığmasının baş məşqçisi Sem Ellerdaysla bağlı araşdırmalara başlayacaq.

Publika.az xəbər verir ki, 61 yaşlı mütəxəssis korrupsiya tələsinə düşüb.

"The Telegraph" qəzetinin əməkdaşları onun korrupsiyada iştirakını üzə çıxarıblar. Jurnalistlər özlərini biznesmen kimi təqdim edərək, Ellerdaysla iki görüş keçiriblər. Onlar İngiltərə Premyer Liqasındakı transfer bazarından gəlir götürmək istədiklərini bildiriblər. Təcrübəli mütəxəssis 400 min funt sterlinq məbləğində anlaşmanın imzalanması üçün danışıqların aparılmasına təsir göstərməyə razılıq verib. Habelə, o, oyunçuların transferləri üzrə FA-nın müəyyənləşdirdiyi "Üçüncü şəxsin oyunçuların hüquqlarına sahib olması qadağandır" qaydasından yayınma yollarını izah edib.

Qeyd edək ki, Sem Ellerdaysın "biznesmenlər"lə danışıqları videoya çəkilib. FA "The Telegraph"a işlə bağlı materialları təqdim etməsi üçün müraciət edib.

Oxumağa davam et
Reklam
Reklam

Gündəm