Bu gün avrokuboklarda pley-off mərhələsinə start verilib.
Publika.az xəbər verir ki, ilk 1/8 final matçları meydan sahibləri üçün uğurlu alınıb.
Ən gözlənilməz nəticə Parisdə qeydə alınıb. Turnirin əsas favoritlərindən olan "Barselona” Fransa paytaxtında biabırçı məğlubiyyət alıb. PSJ bu sensasiyalı qələbə sayəsində mərhələ adlamaq şansını artırıb. Oyunda dubl edən argentinalı yarımmüdafiəçi Anhel Di Mariya ad günündə fərqlənib. Bununla da “Barselona”nın PSJ ilə oyunlarda uğurlu seriyası qırılıb.
"Borussiya”nın məğlubiyyəti də gözlənilməz olub. Düzdür, Dortmund klubu "Benfika"ya minimal hesabla uduzub və ən əsası, məğlubiyyətdən xilas olmaq şansı olub. Ancaq komandanın bombardiri Pyer-Emerik Obameyanq penaltini qaçırıb.
UEFA Çempionlar Liqası. 1/8 final mərhələsi, ilk oyunlar
14 fevral
23:45. “Benfika” (Portuqaliya) – “Borussiya” (Dortmund, Almaniya) 1:0
Mitroqlu, 48.
Baş hakim: Nikola Ritsoli (İtaliya)
23:45. PSJ (Fransa) – “Barselona” (İspaniya) 4:0
Di Mariya, 18; 55. Draksler, 40. Kavani, 72.
Baş hakim: Şimon Marçinyak (Polşa)
.jpg)
