Azərbaycanın ən köklü derbisində qol səsi çıxmadı

Azərbaycan Premyer Liqasında 19-cu tura start verilib.

Publika.az apasport.az-a istinadən xəbər verir ki, bu gün turun iki qarşılaşması keçirilib.

İlk görüşdə ötən mövsümün mükafatçıları üz-üzə gəliblər. Paytaxt derbisində “İnter”lə “Zirə” qarşılaşıb. 3-cü pillədə möhkəmlənən Zaur Svanadzenin yetirmələri cari mövsüm iki dəfə bərabərə qaldığı rəqibini bu dəfə də yenə bilməyib. Matçda hesab 1:1 olub. Denis Silva öz qapısına vurduğu qolla qonaqları sevindirsə də, Rauf Əliyev bərabərliyi təmin edə bilib.

Daha sonra Azərbaycan futbolunun ən köklü derbisi baş tutub. Ən zəngin tarixə malik iki komanda “Neftçi” və “Kəpəz” paytaxtda üz-üzə gəliblər. Turnir cədvəlinin aşağılarında qonşu olan komandalar əbədi derbi heç-heçə başa vurublar. Qış fasiləsində yenilənən Elxan Abdullayevin komandası ardıcıl 3-cü qələbəsini qazana bilməyib. Matçda hesab açılmayıb.

Azərbaycan Premyer Liqası. 19-cu tur

18 fevral

“Neftçi” – “Kəpəz” - 0:0

“İnter” – “Zirə” - 1:1

Qollar: Rauf Əliyev, 47 - Deniz Silva, 40 (avtoqol)

Qırmızı vərəqə: Anar Nəzirov, 73

Turnir cədvəli

Bombardir: Filip Ozobiç (“Qəbələ”) – 10.