İdman

Çempionlar Liqası və Avropa Liqasının final matçları ilə bağlı YENİ QƏRAR

4 Aprel 2017 20:52

Final matçları eyni həftədə keçiriləcək.

2018-2021-ci illərdə UEFA Çempionlar Liqasının və Avropa Liqasının final matçları eyni həftədə keçiriləcək.

Publika.az UEFA-nın saytına istinadən xəbər verir ki, bu qərar hər iki qarşılaşmanın ölkədaxili yarışlar başa çatdıqdan sonra oynanılması məqsədilə qəbul olunub. 2018-2019-cu il mövsümündən etibarən Avropa Liqasının final oyunu çərşənbə günü - 2019-cu il mayın 29-da keçiləcək. Hər iki turnirin həlledici qarşılaşması indiki qaydada müxtəlif şəhərlərdə təşkil olunacaq.

Əvvəlki qaydaya əsasən, Avropa Liqasının final qarşılaşması Çempionlar Liqasının həlledici görüşündən on gün əvvəl keçirilirdi.

Bu mövsüm Avropa Liqasının həlledici görüşü mayın 24-də İsveçin Solna şəhərində, Çempionlar Liqasının final oyunu isə iyunun 3-də Uelsin paytaxtı Kardifdə oynanılacaq.

Gələn mövsüm final qarşılaşmaları müvafiq olaraq, mayın 16-da Fransanın Lion şəhərində və mayın 26-da Ukraynanın paytaxtı Kiyevdə oynanılacaq.