• USD 1,7000 0,00% EUR 2,0630 -0,36%
    • GBP 2,3223 -0,33% RUB 0,0226 0,00%

İdman növünün adı dəyişdirildi

  • İdman
  • 23 İyul 2017 06:52
  • 641 Baxış
İdman növünün adı dəyişdirildi

Beynəlxalq Üzgüçülük Federasiyası (FINA) konqresinin qərarı ilə sinxron üzgüçülüyün adı dəyişdirilərək bədii üzgüçülük adlandırılıb.

Publika.az xəbər verir ki, səsvermə FINA-nın bu günlərdə su idman növləri üzrə dünya çempionatını qəbul etmiş Budapeştdə keçirilən konqresində olub.

Sinxron üzgüçülüyün adının dəyişdirilməsi ideyasını Beynəlxalq Olimpiya Komitəsi (BOK) idmanın bu növünü inkişaf etdirmək məqsədi ilə irəli sürüb.

Sinxron üzgüçülük ilk dəfə 1984-cü ildə Los-Ancelesdə Olimpiya Oyunları proqramına daxil edilib. 1992-ci ildə Barselonada keçirilən Olimpiya Oyunlarına qədər sinxron üzgüçülük üzrə yarışlar proqramına tək (solo) və cüt çıxışlar daxil olub. Hazırda Olimpiya Oyunlarında duet və qruplar üzrə medallar oynanılır.

Maraqlıdır ki, 2000-ci il Sidney, 2004-cü il Afina, 2008-ci il Pekin, 2012-ci il London, 2016-cı il Rio-de-Janeyro olimpiadalarında sinxron üzgüçülük üzrə bütün qızıl medalları Rusiya təmsilçiləri qazanıblar.

Halal Nemət

Xəbər lenti

DAHA ÇOX XƏBƏR